Жаңалықтар

«Спорт – денсаулық кепілі!»
30 қазан күні М. Әуезов атындағы Оңтүстік Қазақстан университеті колледжінің жатақханасында тұратын студенттер арасында спорттық ойындар ұйымдастырылды.
Іс-шараның басты мақсаты – студенттер арасында салауатты өмір салтын насихаттау, дене шынықтыруға деген қызығушылықтарын арттыру, бос уақыттарын тиімді ұйымдастыру және достық қарым-қатынасты нығайту.
Спорттық ойын барысында студенттер белсенділік танытып, өздерінің ептілігін, шапшаңдығын, күш-жігері мен командалық бірлігін көрсетті. Жарыс қызықты әрі тартысты өтіп, қатысушыларға көтеріңкі көңіл күй сыйлады.
Спорт – тек жеңіс пен жеңіліс емес, ол – бірлікке, тәртіпке және табандылыққа тәрбиелейтін өмір салты!
Салауатты өмір салтын бірге қалыптастырайық!